TN Haokip Foundation-in lawmman inhlan ding

TN Haokip Foundation (TNHF), Churachandpur chun thusuok siemin, tu kuma Board of Secondary Education Manipur (BOSEM) huoihotna hnuoia Class 10 (HSLC)-a hlawtlingna changhai an lawmpui hle thu hrilin, TN Haokip Foundation kum 10 a tling lawmna le sikul le inchuklai hai chona pekna dingin Saikot MLA biel sunga hlawtling hai kuomah lawmman le chawimawina inhlan ani nawk ding thu an tarlang.

TN Haokip Foundation lawmman le chawimawina dong nuom hai chun application form la suok a, TNHF office-ah May 23 chen-ah pelut dingin inhriettirna-ah an tarlang bawk.

Lawmman le chawimawina dong thei hai chu Saikot MLA biel sunga um ngei an ni a ngai a, Class 10 (HSLC) exam an pekna sikul chu Saikot MLA biel sunga um ngei ani bok ding a nih. Application thelut hai laia mark score insangtakin ‘one man one award’ basis in lawmman pakhat a dong ta chun a dottu kuomah lawmman dang chu inhlan ning a tih, tiin inhriettir chun a tarlang bawk.

Application form hai hi Gebion Enterprises (Bijang, CCPur) le Jalhai Enterprise (Forest Gate, Tuibuong, CCPur) anthok lak thei ning a tih.

Lawmman le chawimawina chu hiengang hin pek ning an tih:

• All Round Topper: Rs. 20,000 + Certificate
• Mathematics Topper: Rs. 15,000 + Certificate
• Science Topper: Rs. 15,000 + Certificate
• School of the Year: Rs. 10,000 + Certificate