KWHRO in Foundation day an hmang

Posted by Lalremlien Neitham

CCPur, May 20, 2014 (HT): Kuki Women Human Rights Organisation (KWHRO) chun zani 11:00AM khan M. Songgel Community Hall-ah an pawl indin a kum khat tling lawmna Foundation day an hmang.

Hi huna hin Pu T.N. Haokip, MLA khawm a ṭhang ve. Thu hrilna a neinaa chun, Ram siem ṭhatna dingin rights and duty an pawimaw ve ve a, rights and duty hi a fekhawm zing ding a ni a, a fekhawm hma chun ei ram hmasawn ngai naw nih tiin a hril.

Resource person –a ṭhang Dr Satkai Chongloi chun, nu han mani nau hai hmangaina, lunginsietna le lunginuoi taka an enkawl chu nau hai ta dinga malsawmna a ni a, hienganga nau enkawl hai chu mi ṭha an hung ni hlak.

Nu han nauhai enkawlna kawnga ei mawphurna ei zonaw/hnenaw leiin ei society nasa takin a tluse mek a nih. Nu le pa a tutu khawm ni inla, thudik le thil indik chu ṭan le thipui ngam ding a nih, thudik ei ṭan ngam phawt chun ei society hi a ṭha ding a nih tiin a hril.

K. Zou, Advocate & Legal Adviser KWHRO chun, Rights ei ti hi indikna in a zui a ngai. Thudik le indikna ei neinaw chun rights hin umzie a um nawh. Thudik ei ṭan ngam naw leiin tu ang ngirhmuna hin ei um a nih tiin a hril.


Blog, Updated at: 11:24 AM
© TLÂNGSAM. Powered by Blogger.