State sorkar ha’n hnam ṭong an thlang pek thei nawh: SC

Posted by Lalremlien Neitham

New Delhi, May 06, 2014: Thawleni khan Supreme Court chun, India rama State hai chun State khata hnam/nu ṭonga a i pom chu State sunga hnam/nu ṭong nei tlawm lem hai hnam/nu ṭong angin primary sikul a hai inhmanglui tir theina thuneina a nei nawh, tiin a rel.

Chief Justice RM Lodha, Justice AK Patnaik, Justice SJ Muhopadhyaya, Justice Dipak Misra le Justice FMI Kalifulla hai constitution bench chun, “India danpui hnuoia article 350A section dan chun State sunga hnam ṭong hmang tlawm lem hai chu primary sikul-a inchuktirna dingin hnam/nu ṭong thlang pek theina State hai kuomah a pek nawh,” tiin an hril.

Justice Patnaik-in bench aiawa thuthlukna a tiemnaa chun, “Article 350A (Facilities for instruction in mother tongue at the primary stage) hin State sunga hnam ṭong hmang tlawm lem hai chu primary sikul a inchuktirna dingin an hnam ṭong ding thlang pek theina thuneina State-in a nei naw a, India danpui hnuoia article 30(1)-a fundamental rights bawsietna a nih,” tiin a hril.

Hi chungthu hi Karnataka High Court (KHC) in alo rel ta sa, Karnataka sorkar-in KHC thurel khinga SC kuoma a zuolkona thu a SC-in thuthlukna a siemna a nih.


Blog, Updated at: 7:21 PM
© TLÂNGSAM. Powered by Blogger.