Shillong-ah Hmar Martyrs’ Day

Shillong, May 11, 2014: Hung tlung ding May 16 zan dar 7 khin Shillong-a Hmar nauhai chun Hmar Youth Association (HYA), JHQ, Shillong huoihotna hnuoi-ah Hmar mihrang pasalṭha fam chang ta hai hrietzingna ni Hmar Martyrs’ Day inserna hun chu EFCI Centennial Hall, Shillong-ah nei an tih.

Inserna hun hi Shillong HYA vice-chairman LC Thanga’n keihruoi a ta, opening prayer Pastor Robert Vanlallien-in, speech Lalthankunga Hmar le hun kharna’n Pastor Lalngailien Hmar-in ṭongṭaina nei a tih.

Shillong HYA chun, Hmar Martyrs' Days inserna hun a hin Shillong-a Hmar nau cheng nu-le-pa le ṭhalai po po ṭhang seng dingin a fiel bawk a nih. Hi hunserna hun a hin Shillong khawtlanga Hmar hlasak thiem mi ṭhahnem tawk tak anthok khomin hnam hla ngaithlak ni bawk a tih.