Season khat-a dingin Luangmual FC hrem

Aizawl, May 05, 2014: Mizoram Football Association (MFA) Executive Committee inṭhungkhawmna chu zani khan nei a ni a, liemtah Zirtawpni zana Mizoram Premier League (MPL) final inkhelnaa thiltlung lei khan MFA chun Luangmual FC chu Mizoram Premier League inkhelna-ah season khat sung hrem (suspend) dingin thuthlukna an siem.

MPL final inkhelnaa khan Chanmari FC le Luangmual FC hai an inkhing a, Luangmual FC ṭantu hai chun referee thuthlukna chung-ah lungawiloin ṭhungna ṭhahnem tawk tak an suksiet a, inkhel sukbuoi zawngin ground sung-ah bottle ruok tam tak an deng bok a nih.

MPL final 2nd Leg a hin Chanmari FC chun Luangmual FC chu 3-0 in an hne a, 1st Leg inkhelna le belkhawmin Chanmari FC chu 4-2 in a hrat lem a, championship an lak a nih.