IGNTU-ah admission lak mek

Imphal, May 05, 2014: Indira Gandhi National Tribal University (IGNTU), Regional Campus (Manipur)-a post-graduation inchuk nuom hai ta dingin academic session 2014-15 admission lak mek a ni a, May thla tawp chen khin admission hong a nih.

Admission hi online le offline a thaw thei a ni a, academic session 2014-15 sunga course chi hrang hrang lak thei hai chu MSW, MA (Political Science), MA (Sociology) le MA (Tribal Studies) a nih.

Hieng course la theitu ding hai eligibility, seat ruok zat, course hun sung le admission thaw dan ding hai chu IGNTU website-a “Prospectus 2014-15” ah en thei a nih.

Application Form hi IGNTU Office, Imphal-ah office kai hun sung Rs. 20 (ST/SC ta dingin Rs. 10) pe-in lak suok thei a nih.

Online-a application form pe lut nuom hai ta dingin May 23, 2014 chen khin pek lut thei a nih. Application form inchawk le offline-a pek lut theina ni tawp ni chu May 28, 2014 chen a nih.

Information kimchang chu IGNTU website www.igntu.nic.in annawleh www.igntu.ac.in-ah en thei ning a tih.