Mizo Phantom bail suok phal

Posted by Lalremlien Neitham

Aizawl, May 19, 2014: Kum 2013 inthlangnaa Electronic Voting Machine (EVM) sukchingpen nia Mizoram CM Lal Thanhawla intumtu le "Mizo Phantom" tia hrietlar K. Chhawnṭhuama bail suok theina ding phalna chu voisun khan Court-in alo phal pek tah niin ei thu lakna chun a hril.

K. Chhawnṭhuama hin bail suok phalna CJM-ah a hni a, a hnina chu CJM chun liemtah May 5 khan a hnawl pek hnungin, CrPC section 439 dungzuiin Court insanglem-ah bail a hni nawk a, a hnina chu Additional District and Sessions Judge Helen Dawngliani chun voisun khan ngaituo in bail suok alo phal pek ta a nih.

Court chun Court-in a mamaw hun hunah ṭha taka inlang dingin a hril a; TV, chanchinbu, internet le social media-ah mipui sukchi-ai thei thil hrila zieklo ding le Court remtina loa Mizoram suoksan lo dingin a ti bok a nih.

K. Chhawnṭhuama hi Mizoram police haiin April 13 zan khan Star Line Hotel, Guwahati-ah an man a, tuhin Aizawl jail-ah an hrentang mek a nih.


Blog, Updated at: 8:18 PM
© TLÂNGSAM. Powered by Blogger.