May 14-ah Kolasib bandh ko

Posted by Lalremlien Neitham

Aizawl, May 12, 2014: Kolasib-a Mizo Zirlai Pawl (MZP) le NGO ṭhenkhathai chun Kolasib district ta dinga thil chi hrang hrang an phut hai chu May 13 bo hma ngeia Mizoram sorkar anthoka thu lawmum a umnaw chun May 14 hin “Total Bandh” huoihot dingin an rel.

Kolasib MZP le NGO dang dang chu zani khan an inṭhungkhawma, an hun tiem sung Mizoram sorkar anthok thu lawmum an dong naw chun May 14 zing dar 5 anthok darkar 24 aw ding “Total Bandh” ko an tum thu an rel a nih. Bandh huoihot hnunga sorkar-in hma ala laknaw rop chun na lemin an thil phut nor sunzom dingin an rel bawk.

Kolasib-a NGO pawl hrang hrang hai thil phut hai chu – National Highway 54 le 154 hai hi an rang thei anga siem zo, Kolasib district sunga sorkar higher secondary school an rang thei ang sie le Kolasib District hospital-a doctor ani ding dinga pek ti hai hi a nih.


Blog, Updated at: 10:23 AM
© TLÂNGSAM. Powered by Blogger.