Maost haiin police 7 that

Posted by Lalremlien Neitham

Hyderabad, May 11, 2014: Pathienni tuk khan Maoist helpawl haiin Maharashtra-a Gadchiroili district huom sung-ah police motor an lo lambun a, police 7 in an hringna an chan niin ei thu lakna chun a hril.

Police thuneituhai hrildan chun, zing dar 9:30 velin patrolling a fe police hai chu an motor-in kir lai Gadchiroili huom sunga Murmuri khuo kawl ramhnuoi lai Maoist helpawl haiin an motor hnuoi-ah landmine an lo sukpuok a, police 7 in an hringna an chan niin a hril. Landmine sukpuok zo hin police le Maoist helpawl hai chu an inkaptuo bok nia hril a nih.

Hieng police hai hi Maharashtra sorkar-in Maoist helhai beina dinga a hmang C-60 anti-Naxal operations force nia hril an nih.

Hliem hai hi helicopter-in Nagpur tieng phur an ni a, thuneitu hai chun venghimtu dang hienglai hmuna hin an tir belsa niin an hril.


Blog, Updated at: 10:10 AM
© TLÂNGSAM. Powered by Blogger.