Kut 2014-ah hnam lam inelna

Posted by Lalremlien Neitham

Imphal, May 12, 2014: Nikum a Manipur Kut 2013 neinaa hnam lam inentirna hai khan mitin hril a hlaw leiin tu kuma Kut 2014 nei ding a hin hnam lam inelna nei dingin sukthluk a nih, tiin State Level Kut Committee (SLKC) chun inhriettirna an siem.

SLKC chun thusuok siemin, hnam lam inelna a hin lawmman chi hrang hrang – creativity and innovation, choreography and entertainment value, crowd puller, turn out – ti hai enkhi a pek ani ding thu an tarlang a. Hnam lama inelnaa ṭhang hnam thuomhnaw a inthuom loa jeans, sana, tarmit hai buna ṭhang an um chun negative mark pek ning an tih, tiin an tarlang bawk.

Lam hai hin hun pek sung neka tam hun an hmang chun mark pei pek ni bok an tih, tiin an hril a, hnam lam inelnaa ṭhang hnam tin hai hi an hnam aiawa ṭhang an ni ngei ding a nih, tiin inhriettirnaa chun a tarlang bawk.

Kut 2014-a hnam lam inelnaa pakhatna la hai kuomah Rs. 1 lakh pek ning an ta, pahnina chu Rs. 75,000 le pathumna chu Rs. 50,000 pek ning a tih.


Blog, Updated at: 6:11 PM
© TLÂNGSAM. Powered by Blogger.