Delhi-ah NE mi chung-ah kutthlak

Posted by Lalremlien Neitham

New Delhi, May 12, 2014: Pathienni zan khan Delhi-ah hmelhrietlo mi 4-5 velin India Manipur mi pakhat an vuok hron niin police hai chun an hril.

Pathienni zan khan Cham Pamei (k. 19) chu North Delhi-a Mukherjee Nagar veng-ah a ruol hai ina fe tum chu lampui lai vai hmelhrietlo sumhmang a tuok a, a thil lakpek tumin an vuok a, a lu-ah hliem tuok sienkhom a na taluo naw niin ei thu lakna chun a hril.

Ieng hmelhrietlo haiin an vuok hron lai hin motorcycle khal pakhat a hung tlan leiin an misuolhai chu an tlanhmanga, motorcycle khaltu chun Cham Pamei chu Bara Hindu Rao Hospital-ah ṭhuoiin police kuomah thiltlung a hang hril nghal a nih.

Pamei hi South Delhi-a Kotla Mubarakpur venga um a ni a, NIIT-a inchuk a nih.

Tukum sung rikngot Delhi-a India hmarsak biel mi chunga kutthlakna, pawngsuolna le ruk inrukna 10 vel a um ta nia hril a nih.


Blog, Updated at: 5:31 PM
© TLÂNGSAM. Powered by Blogger.