Imphal, May 2, 2014: Zirtawpni May 1 khan Khoirentak Khuman, Imphal hmun-ah Kom hnam hai infiemna le insukhlimna (traditional games) workshop nei a nih. Hi workshop hi Indira Gandhi Rashtriya Manav Sangrahalya (IGRMS) le Kom Cultural Dance and Research Centre (KCDRC) hai ṭhangkopa huoihot a nih.
Hi workshop a hin Tribal Museum and Research Centre president Y. Gyaneshwar chu khuollien a hmang a ni a, khuolzaum-in senior journalist Salam Rajesh niin DM College of Arts-a asst. prof. Dr. Manilei Serto chu hun keihruoitua hmang a nih.
IGRMS museum association N. Shakmacha Singh-in thu a hrilna a chun, “Hi workshop hi National Museum director KK Mishra ṭhangpuina le ṭhahnemngaina leia nei thei chauh a ni a, traditional games hi thiemna, varna le sports anga ei en a ngai a, ram puotienga hai chen khom ei vawrlar a ngai a nih,” tiin a hril.
“Manipur anthoka games chi hrang hrang hai hi khawvel hmun hrang hranga inkhel hlak a ni a, Kom hnam rignot khomin traditional games 30 neka tam an nei a, ṭhangthar hai hriet dinga vong ṭhaa vawrlar an ngai,” tiin a hril bawk.
Home» IGRMS» Khoirentak Khuman» Kom Cultural Dance and Research Centre» Kom Tribe» Manipur» Traditional Games» Tribal Museum and Research Centre» Kom hnam hai traditional games workshop nei