Car le Bike inbawtuo leiin mi 2 an hliem

Posted by Lalremlien Neitham

CCPur, May 04, 2014: Zani zing dar 9:30(AM) vel khan Khawmawi khuoa Saidan panna lampui zawn lai Lamka tieng hung pan Astar Car MN01S/1242 le Imphal tieng pana tlan R Bajaj MNE 1386 an inbaw a, Bike-a chuong pahni – a khaltu Lelien (26) s/o (L) Pauhen of Saihenjang le Lalpu (35) s/o Helmang of Changsang Sadar Hills hai chu an hliem ve ve.

Lalpu chu a hliem inriknaw leiin hospital-a admit a ninaw a, Lelien ruok chu a khabe le a malpui changtiengpang haiah a hliem leiin District Hospital, CPur-ah admit a nih. Car hi a driver ṭhungna zawn a glass le sir hai a sie a, Bike ruok chu a se nasa hle. Tuoksiet tuok hai hi an inbiek leiin Police han case an lak nawh.

Source: Hmasawnna Thar


Blog, Updated at: 1:26 AM
© TLÂNGSAM. Powered by Blogger.