Kamkhanlal PR Bond Rs. 10,000/- a insuo

Posted by Lalremlien Neitham

CCPur, May 05, 2014: Mr Kamkhanlal (45) s/o (L) Khamzakhup of Belpuan, tuta Singngat a cheng mek in Behiang khuoa inthawk ramsa a kap Sakhi le Zawng sa zawr dinga a hung phur hai May 3, 2014 nia Police han a Sa kap hlum hai le an man chu Forest Department, CCPur in zani hmasa khan a case lasawngin Wildlife case No. 1/2014 DFO (S) an siem khum a.

Zanikhan Chief Judicial Magistrate (CJM) hmaah inlangtir a ni a, CJM chun PR Bond Rs. 10,000/- fined pein bail in an suoktir bakah a sa hung phur hai chu CJM, CCPur thupek dungzuiin KS Tombing, DFO, CCPur le a rawi han Sa hai hi a sample lain an office campus sungah an phum hmang. Kamkhanlal kuta inthawk ramsa mana um hi Kg. 12 vel ding a nih.

Mr K.S. Tombing, DFO, CCPur chun, ramsa kap hi sawrkar in a khap, jail chen intang theina a nih tiin a hril a, hi lei hin mipui hai chu ramsa kap ching ta lo le tawpsan dingin a ngen.

Source: Hmasawnna Thar


Blog, Updated at: 6:53 AM
© TLÂNGSAM. Powered by Blogger.