Guwahati, May 13, 2014: Gauhati University (GU) hnuoia graduation level-a Fine Arts inchuk zo haiin State puotieng post-graduate (PG) inchuk zom dinga suok kher ngai loa GU-a an inchuk zom thei dan ding ngaituo mek a nih, tiin GU vice-chancellor chun a hril.
Hi thu le inzom hin, All-Assam Visual Artists Association (AAVAA) chun GU thuneituhai kuomah ngenna thelutin, GU hnuoi-ah PG chen Fine Arts inchuk zom theina dingin department hran siem dingin an ngen a nih.
AAVAA chun, tulai khawvel-ah Fine Arts hi professional course poimaw tak ani bak-ah media, visual communication le information technology hai le khom inlaichinna a nei ṭha a nih, tiin an hril.
Tu taka Guwahati khawpuia Gauhati University hnuoia Fine Arts under-graduate course inchuk theina hmun umsun chu Basistha-a Government College of Arts and Craft (GCAC)-ah a ni a, kumtin hi college anthok hin mi 30 vel an graduate suok hlak nia hril a nih.
AAFAA secretary Kishore Kumar chun, “Kumtin hi college anthok hin inchuklai an inziek suok hlak a, amiruokchu, masters degree inchukna ding a umnaw leiin hlaw tam rak lona hmuna sin an thaw zom a, puotienga inchuk zom thei mi ṭhenkhat chauh an um hlak,” tiin a hril.
Assam State a hin PG level-a Fine Arts inchuk theina Silchar-a Assam University-ah a um a, seat 10 chauh a ruok leiin inchuk zom nuom hai tamtakin an zom thei ngainaw a nih.
AAFAA secretary-in a hril pei dan chun, GU vice-chancellor in a term hun sung ngei GU hnuoi-ah masters course inchuk theina dingin a theitawp suo dingin an tiem thu a hril bawk.
Home» Assam» Assam University» Education» Fine Arts» Gauhati University» Gauhati University-ah Fine Arts master course
Gauhati University-ah Fine Arts master course
|
Blog, Updated at: 5:07 PM