Chief Election Commissioner VS Sampath le Commissioner dang pahnih – HS Brahma le Nasim Zaidi hai chun India president chengna In Rashtrapati Bhavan-ah fe-in, Lok Sabha inthlangnaa MP a tling hai hming notification ansuo copy chu Pranab Mukherjee kuomah an inhlan a nih.
EC’n president kuomah thlangtling hai hming notification ansuo anhlan ta lei hin president-in sorkar thar siemna dingin hma a lak ṭan thei ta ding a nih.
Zinga khin BJP Parliamentary Party ha'n Narendra Modi chu an hotu dinga an ruot beisei a ni a, an ruot zo hin NDA Parliamentary Party hotuhai inhmukhawmna nei nghal ning a ta, NDA hotu ding thlang nghal beisei a nih.
Hi hnungin BJP le a thloppui pawl ṭhuoituhai chun President inhmupui an ta, a kuomah Narendra Modi chu prime minister a dinga an thlang ti an inhriettir hnungin president chun Modi chu India sorkar-na siem dingin fiel a tih.
