Tu kuma Board of Secondary Education Manipur (BSEM) huoihotna hnuoia Class 10 (High School Leaving Certificate) exam a khan sorkar sikul 307 anthokin inchuklai 7,113-in exam an pek a, 3,288 chauh an hlawtling a, za-ah 46.23 chauh an pass a nih.
Nikum khan sorkar sikul 48 le sorkar ṭhangpui sikul 13 haia inthokin inchuklai hlawtling pakhat khom an umnaw a nih. Tu kum sorkar sikul 7 vel an hlawsam bok a nih.
Sorkar ṭhangpui sikul 86-a Class 10 in exam inchuklai mi 1,898 an um a, 1,014 an pass a, pass percentage chu 53.42 a nih. Sikul 13-a inchuklai hai chu tu khom an pass naw bok a nih. Nikum a hlawtling zat chu 62% a nih.
Tu kuma in exam-naa khan sorkar sikul 21 le a ṭhangpui sikul 7 anthokin inchuklai pakhat seng chauh Class 10 pass an um bok a nih.
Sorkar sikul 48 le sorkar ṭhangpui sikul 13 hai baka hin private sikul 12 haia inthok inchuklai pass um ṭhaklo an um bok a nih.
Tu kuma private sikul anthoka Class 10 in exam mi 24,888 an um a, 18,677 an hlawtling a, pass percentage chu 75.04 a nih. Nikum khan pass percentage 78.82 a nih.
