Central sorkar hnuoia sinthawtuhai allowance sukpung

Posted by Lalremlien Neitham

New Delhi, May 07, 2014: India sorkar laipui chun a hnuoia sinthawtuhai grant le allowance a sukpung a, hi hi sorkar hnuoia sinthaw mi nuoi 50 bawr velin an sor thei beisei a nih.

Department of Personnel and Training (DoPT)-in inhriettirna a siemnaa chun, “Central sorkar hnuoia sinthawtuhai ‘children education allowance’ a dinga sum lak thei zat, naupang pakhat-ah kum khat a dingin Rs. 18,000-a sukpung a nih,” tiin a hril. Hi hmaa 'children education allowance' lak thei zat chu kum khat-ah Rs. 12,000 a nih.

Ruol banlo nau nei hai ta dingin 'education allowance' reimbursement thei zat, thla khat-ah Rs. 2000 chu Rs. 3000 a sukpung ani bawk. Grant le allowance siem thar hai hi January 1, 2014 anthoka hmang ṭan ning an tih.


Blog, Updated at: 8:35 AM
© TLÂNGSAM. Powered by Blogger.