A thi nu hi Andra Pradesh mi, Tata Consultancy Service (TCS), Bangalore-a sinthaw, a ruolnu le an khuo tienga fe ding rel-a chuong an nih.
Bomb puoknaa hliem mi 14 hai chu Rajiv Gandhi General Hospital panpui nghal an nia, anni lai mi 2 hai chu an na zuol deua hril a nih.
Bomb a puok zo hnung hin bomb disposal squad hai chu an uisa thiem hai le forensic tienga mithiemhai chun bomb puokna chu an enfel nghal a, Tamil Nadu sorkar chun CB-CID kuomah bomb puok suichieng dingin an hlan bok a nih.
Bomb puok hin rel coach 3 a suksiet a, rel thuneituhai chun coach dangin an thlak hnungin rel chu a tlan sunzom nawk nghal a, rel dang hai khom an schedule angin an tlan niin ei thu lakna chun a hril.
Union Home Ministry-in National Investigation Agency, National Security Guard le forensic expert hai chu Chennai tieng tir dinga a ti chu Tamil Nadu sorkar chun an police haiin an enkol thei an ring leiin tir nawk an ni nawh.
Bomb sukpuoktu hai hi tuha'm an na ti hriet an la ni nawh.
