Aizawl-ah naupang kumtlinglo pawngsuol

Posted by Lalremlien Neitham

Aizawl, May 05, 2014: Zani Pathienni zan inkhawm lai vel khan Aizawl-a pasal pakhat Tluanga tia inko chun Dinthar Veng-a cheng naupangte nuhmei kum 9 mi chauh chu New Capital Complex-ah ṭhuoi pheiin a pawngsuol niin ei thu lakna chun a hril.

Pawngsuoltupa hin naupangtenu hi a ruolhai le an um lai, naupangte dang hai chu thil inchawk dingin a tir hmang tawl a, hi naupangtenu hi fe phal ve loin a ṭhuoi hmanga, a puongsuol nia hril a nih.

Pawngsuoltu’n a zamsan hnung hin taxi driver pakhatin naupangte zanthim laia ama chauh a um chu hmuin a phur a, a sunghai kuomah a ṭhuoi a, nuhmeite hin pawngsuol ani thu a sunghai kuoma hrilin khawtlang chun pawngsuoltupa hi zong nghalin, Khatla Bazar lai an va man nia hril a nih.

Hi naupangtenu medical examination khom nei nghal niin, pawngsuoltupa khom an puong ta nghe nghe nia hril a nih.

Tuhin Dinthar Veng sunga Joint Action Committee (JAC) hai chun pawngsuoltupa hi an kol mek a, police haiin pawngsuoltu hi la tum hai sienkhom mipui pungkhawm an tam leiin JAC hai kuta inthok chun an lak ngam hri naw niin ei thu lakna chun a hril bawk.


Blog, Updated at: 9:51 AM
© TLÂNGSAM. Powered by Blogger.