Guwahati, April 16, 2014: Voituk zing dar 2 vel khan Dimapur-Kamakhya BG Express rel engine le coach 10 chu Jagigaon, Morigaon district (Central Assam) kawllai a chesuol a, rel a chuong mi 50 vel an hliem niin ei thuthar laknaa chun a hril.
Rel chetsuol an hriet le inruolin rel thuneituhai chu a hmun-ah an tlan phei nghala, sansuokna sin an thaw nghal a, a hliemhai chu Guwahati Medical COllege Hospital le hospital dang dang-ah panpui nghal an nih. Hliem hai lai hin a zuol deu 19 vel an um a, hospital-a enkol mek an ni a, a dang hai chu first-aid pek an ni hnungin insuoktir nghal an nih.
Rel chesuol lei hin meter 100 vel rel lampui a sie a, hi rel lampuia inlon rel 8 vel chu sukchawl an nih. Dibrugarh-New Delhi Rajdhani Express khom Lumbing-ah sukchawl hri a nih.
Rel thuneituhai chun rel chesuol nasan hi sui mek ani thu an hril.
Rel chesuol, mi 50 hliem
Blog, Updated at: 7:46 PM