Mizoram University Kut “Vibrio 2014”

Posted by Lalremlien Neitham

Aizawl, April 16, 2014: Hung tlung ding April 22-24 sung khin Mizoram University (MZU) Students' Council, Vanglaini le Zonet huoihotna hnuoi-ah Mizoram University Kut lien tak "Vibrio 2014" chu MZU Campus-ah buotsai ning a tih.

Varsity Kut hi kum dang khom khan hlawtling taka hmang alo ni hlak a, tukum khom ropuitaka hmang nawk tum a nih. Kum danga la thaw ngai lo thil thar dang danghai khom inṭhangtir tum a ni a, Vibrio 2014 hi kum dang nekin a hlawtling zuol an beisei thu a buotsaituhai chun an hril.

Hi kut hi ni 4 sung nei ning a ta, inelna le insukhlima chi hrang hrang um a ta, university-a inchuk nilo college-a inchukhai khom Runway Show Down, Got to Dance, Rock Fest, Cosplay le Debate a hai ṭhang thei an ta, hieng tienga inhnikhai chu ṭhang ve ngei dingin Kut buotsaituhai chun fielna an siem bawk.

University puotienga mi hai ta dinga inelna buotsai bakah, MZU inchuklai hai ta ding bikin inelna le insukhlimna chi hrang hrang um bok a ta - Varsity Miss, Photography, Cultural Dance, Essay and Poetry, E-gaming, Fun Zone le Quiz inelna hai nei ni bok a tih.


Blog, Updated at: 6:30 AM
© TLÂNGSAM. Powered by Blogger.