Inner Manipur-ah inthlang ṭhatna

Posted by Lalremlien Neitham

Imphal, April 20, 2014: Election Commission (EC) chun zinga April 22 khin Thoubal Assembly constituency huom sunga Moijing (A) polling station a chun inthlang ṭhatna nei nawk dingin inhriettirna a siem.

Election thuneituhai chun April 17-a hi polling station-a inthlangnaa khan vote tla zat chu vote thlak thei zat nekin pahni-in a chuong leia inthlang ṭhat nawk dinga a ti a nih. Vote thlak thei zat mi 771 an um lai, vote 773 a tla a nih. Hi thil le inzom hin district election officer T. Ranjit-in hi polling station-a presiding officer khom a ban nghe nghe a nih.

Moijing (A) polling station hi Manipur CM O. Ibobi Singh thlangtling a nina assembly constituency huom sunga um a nih.


Blog, Updated at: 5:43 AM
© TLÂNGSAM. Powered by Blogger.