Assam State Museum platinum jubilee lawmna

Posted by Lalremlien Neitham

Guwahati, April 20, 2014: Assam State Museum chun kumtluong aw ding a kum 75-na “Platinum Jubilee” lawmma chu zinga inthok kum nawk April 21 chen aw ding hongna nei a tih.

Inaugural function hi Assam State Museum-a Kanaklal Buruah Auditorium-ah nei ning a ta, hongna hunser chu Bhaskar Buruah (retired secretary to the Government of India) in nei a ta, inkhawmna chu Dr. RD Choudhury (retired director general of National Museum, New Delhi) in ṭhuoi a tih. Dr AK Das (director of Lal Bahadur Shastri Museum, New Delhi) chun “Museum in de-contextualised world” ti thupui hmangin thuhrilna hun nei bawk a nih.

Kum 1940 April 21 khan Rai Bahadur, Kanaklal Baruah, Nopat Rai Kedia, Ananda Chandra Agarwala le lekhathiem dang dang hai hmalakna’n Assam Provincial Museum chu Kamrupa Anusandhana Samiti ṭhangpuina’n indin a ni a. Kum 1953 khan Assam sorkar-in hi provincial museum enkolna chu la-in hming thar “Assam State Museum” tiin an buk a nih.

Hi museum a hin gallery 12 a um a, gallery pahni dang khom siem belsa mek a nih.


Blog, Updated at: 6:01 AM
© TLÂNGSAM. Powered by Blogger.