Manipur chief justice a dingin Justice LM Mohapatra lak lut

Posted by Lalremlien Neitham

Imphal, July 11, 2014: Manipur High Court-a acting chief justice chellai Lakmi Kanta Mohapatra chu zani khan Manipur High Court chief justice dingin Raj Bhawan Durbar Hall-ah namnghet a nih.

High Court of Manipur (HCM)-a register general S. Serto Kom-in HCM-a chief justice dinga Justice Laxmi Kanta Mohapatra ruot a nina lekha tiem suokna a nei a, Manipur governor VK Duggal-in thu insamtirna a neipui bok a nih.

Chief justice thar lak lutna huna hin Manipur CM Ibobi Singh le a thokpui minister le politician hai khom an ṭhang bok a nih.

HCM-a chief justice dinga lak lut a ni zo hin Justice Mohapatra hin thuthar lakhawmtuhai inpawlpuiin, Manipur High Court chu indin a nina ala sawtnaw leiin High Court-a thoktu indainaw sukfelna dingin hun a la lak met ding thu a hril.


Blog, Updated at: 1:04 PM
© TLÂNGSAM. Powered by Blogger.