Hlasak thiem Shakira le Santana-in WC final-ah hla sak ding

Rio De Janeiro, July 00, 2014: Hung tlung ding July 13-a Brazil khawpui Rio de Janeiro-a FIFA World Cup Football 2014 ‘closing ceremony’ nei hun-ah khawvel hlasak thiem Shakira chun hla sak a ta, guitar per thiem hmingthang Santana le rapper Wyclef Jean hai khomin an thiemna inentir hun nei bok an tih, tiin FIFA thusuok chun a hril.

World Cup Football final voi thum a zawna a’nlangna a hin Shakira chun “La La La” ti hlak Brazilian star Carlinhos Brown leh sak an ta; Santana, Wyclef le Brazilian hlasak thiem Alexandre Pires hai chun tournament official anthem “Dar Um Jeito” sakna final inkhelna hmun ding Maracana Stadium-ah nei bok an tih.

Nikum a Brazilian defender Ivete Sangalo le nau pasal nei Shakira chun, “FIFA World Cup 2014 kharna huna ‘La La La’ hla ka sak ding hi ka phur ta hle,” ti a hrilin, “Football leh inlaichinna ṭha tak nei ka na, mi tamtak ta dinga World Cup hlutzie khom ka hriet thiempui hle a nih,” tiin a hril.