‘Zofate Chawlhbuk’ bawl dinga inthok suok

Posted by Lalremlien Neitham

Aizawl, June 25, 2014: Mizo Zirlai Pawl (MZP) ṭhuoituhai chu zani khan an president Lalhmachhuan inrawina hnuoi-ah Boropansury-a ‘Zofate Chawlhbuk’ bawl dingin Aizawl anthokin an suok. Boropansury-a ‘Zofate Chawlhbuk’ bawl hi Chakma hai chun an remti naw a, an dodal tlat a nih.

MZP hai hi zani zan khan Tlabung-ah riekin, voisun hin Boropansury an pan ding a nih. Aizawl anthokin mi 30 an fe a; Lunglei, Tlabung, Lungsen le Chawngte anthokin mi iemanizatin lo zui an tih.

MZP president Lalhmachhuana chun, dodalna um sienkhom ‘Zofate Chawlhbuk’ bawl ngei an tum thu chanchinbumihai kuomah a hril.

‘Zofate Chawlhbuk’ bawl hi Chakma hai chun an dodal a, Boropansury-II biela MDC bye-election nei ding khom MZP haiin ram sinsiena an tar lak thlak phutin an boycott bok a nih. Zani khan (SB) JSS Group inti hai chun Chawngte C bulah “Don’t come MZP, we are ready” ti an tar bok a nih.

Thu dong dangin, MZP ṭhuoituhai hi sorkar thuneitu hai leh an inbiek a, “Zofate Chawlhbuk” chu ṭha taka an bawl ngei thei an ditpui thui sorkar chun MZP ṭhuoituhai kuomah a hril nia hril a nih.


Blog, Updated at: 7:57 PM
© TLÂNGSAM. Powered by Blogger.