Imphal, June 13, 2014 (HT): Zanikhan Manipur Police Training College, Pangei hmuna nuhmei Police Constables training zo ta mi 569 han Passing Out Parade an nei. Hi hunsera hin Pu Gaikhangam, Deputy Chief Minister khuollienin a ṭhang a, Saheed Ahmed, DGP, Manipur, PHED Minister I.Hemochandra, Chief Secretary Pu P.C. Lawmkunga hai bakah IGPs, DIGs le SP hai khawmin an uop ve.
Pu Gaikhangam chun, ei state-ah nuhmei hai chunga suolna a pung pei le inzawmin nuhmei han mani sa venghimna dingin martials arts le a dang dang training an nei a pawimaw thu a hril a, vawisuna woman police intiemkamna nei hai hin ei rama nuhmei le naupang hai sunga suolna an hung sukre ngei a beisei thu a hril.
P. Doungel, IPS, Director MPTC, ADGP chun 9th Indian Reservevd Mahila Battaion a dinga training dingin women personnel 611 hai chu May 16, 2013 khan an hung in report a, training May 28, 2013 a inthawk ṭan a ni a, training sung hin Human Rights, Communication chungthu le ralthuom hieng AK Rifles, Insas Rifle le ralthuom dang dang hmang dan hai inchuktir an nih tiin a hril.
Women Police Constables han passing Out Parade
Blog, Updated at: 9:22 AM