Sielmat Hospital in Ultrasound Machine a nei thar

Posted by Lalremlien Neitham

CCpur, June 10, 2014 (HT): Sielmat Christian Hospital, Sielmat, CCPur in mi ṭhahnemngai hai sum dengkhawm Rs. 15 lakh hmanga an inchawk Ultrasound Machine chu zani 11 AM khan Dr Rochunga Pudaite, Founder President, Bibles For the World chun Sielmat Hospital hmuna hmang thei dingin a hawng a, Pathien kuoma ṭawngṭaia inhlanna a nei bawk.

Ultrasound Machine hi June 4, 2014 a kha Sielmat Hospital hung phurtlung a ni a, machine hmang theina ding hin May 7, 3014 khan State Nodal Officer, State Appropriate Authority, Govt. of Manipur chun Prenatal Diagnostic Technology Certificate a lo pek ta bawk a nih.

Rev. John L. Pudaite chun, Ultrasound hi Manipur-a dinga a pathumna a ni a, Churachandpur District-a ding chun a pakhatna a nih tiin a hril.

Hi machine hin thermal printer khawm a nei a, ultrasound lakna result pendrive khawma lak thei ning a ta, 2KVA UPS hmang a tih. A khawl operate tu dingin Imphal-a inthawk Sonologist pakhat hung a tih tiin a hril.

Dr Pudaite chun, Hospital hmasawnna dinga mi ṭhahnemngai hai inphalna le sum dengkhawm leia Ultrasound Machine hi nei thei a ni thu a hril.

Ultrasound machine hi Phillips Health Care (Su Zhou) Corporation Limited siem a ni a, hi machine hmangin Abdomical, Gynae le Periphiral Vascular hai lak thei ning a tih.


Blog, Updated at: 1:30 PM
© TLÂNGSAM. Powered by Blogger.