Postal Van-ah SP Capsules 15,000 dapdawk

Imphal, June 6, 2014 (HT): Imphal West Police hai chun Lilong-a Imphal-Moreh Road NH-2 ah Spasmo Proxyvon (SP) capsules 15,000 vel dapdawkin an man niin zanita Police thusuok chun a hril.

SP capsules hai hi boxes pahnia inthun kg. 3 a rik a ni a, Chandel District-a mi pakhat kuoma pek dinga Postal Van-a phur a ni a, hi thil hung thawntu chu Chandigarh mi niin ei thu dawngna chun a hril. Imphal Police chun an thil man hi an kaawl mek a, a hung thawntu le a dawngtu ding hming hi an la puonglang hri nawh.