Pa le bekanthu fak leia thina tuok chungchang hriltlang

Posted by Lalremlien Neitham

Aizawl, June 25, 2014: Mizoram health department hotuhai chun zani khan principal director K. Ropari inrawina hnuoi-ah tulai hnaia Mizoram-a pa (mushroom) le bekanthu fak suol leia thina tuok chungchang le hiengang thil a tlung nawk nawna dingin mipui hai inzirtir dan ding an hriltlang.

Meeting-a hin ISDP nodal officer Dr. Pachuau Lalmalsawma le joint director (F&DA) Lalsawma Pachuan haiin tulai hnaia pa le bekanthu fak leia hringna chan an um chungchang-ah Health department hmalak dan an hril a, pa le bekanthu fak him naw nasan le inveng dan ding hai an hril bawk.

Pa le bekanthu fak suol chungchanga hin Health department chun thusuok a siem nghal a, an thusuok chun:

* Pa reng reng, lamsir taluo a ṭo hai, motor khu le hmunhnok bawm bul laia mawng hai phoi lo ding.
* Pa chu a zung chena phawi lo ding, anlang chin chen hai chauh lak hlak ding.
* Pa suong ta hnung, a ṭhing reng reng fak lo ding.
* Pa chu suong hma’n hun iemanizat chen tui-ah fai taka inchie hmasak ding.
* Pa hrietchienglo fak mei mei lo ding.
* Pa chi hrang hrang suong pol hin tur ṭi-um tak a siem suok thei leiin suong pol ngai lo ding.
* Bekanthu hi khawlaia mi am, fak dingin a him/thienghlim tawk am, sie ṭhatna a sawt ta'm, an um dan a felfai tawk am ti hai hi chieng hmasak photnaw chun fak ngai lo ding ti hai hi mipui hriet dingin an tarlang a nih.


Blog, Updated at: 8:37 PM
© TLÂNGSAM. Powered by Blogger.