NEC project chungchang thu-ah inṭhungkhawm

Posted by Lalremlien Neitham

Shillong, June 24, 2014: India hmarsak biela ‘human resource’ le ‘education’ suk hmasawnna dinga North Eastern Council (NEC)-in sum ṭhangpuina a pek project hai thlirletna hun zani khan Shillong khawpui-ah nei a ni a, inṭhungkhawmnaa hin NEC hotuhai bakah hmarsak biela State sorkar-a department thuneituhai khom an ṭhang bok a nih.

NEC secretary Ameising Luikham chun, hun tiemchin sunga project le scheme hai sukpuitling ngei ani theina dingin hma la nasa nawk zuol dingin fekhawm hai a'ncha.

NEC member Prof. Ashoke K. Dutta le MP Bezbaruah hai inrawnna hnuoi-ah hmarsak biela inchukna tieng suk hmasawn dan ding hriltlangna nei a ni bok a; inchuklai tam tak inchuk zom lo an um thu, science le mathematics suklar zuol dan ding, sikul haiin laboratory changkang an nei thei dan ding hai hriltlang a nih.

Hi inṭhungkhawmna a hin Tripura, Nagaland le Dibrugarh University hai vice-chancellor hai khom an ṭhang a; State sorkar, UGC, NEHU, Gauhati University, Guwahati IIT, NERIE palai hai khom an ṭhang bok a nih.


Blog, Updated at: 3:01 AM
© TLÂNGSAM. Powered by Blogger.