Lok Sabha member ha’n thu insamna an nei

Posted by Lalremlien Neitham

New Delhi, June 6, 2014: Zani khan Lok Sabha inthlang voi 16-naa thlangtling Member of Parliament (MP) 539 haiin thu insamna an nei a, thu insam huna hin mani hnam puon le hnam incheina haia an inbelin, nu/hnam ṭong chi 510-in thu insamna nei a nih.

Thu insamna hi India PM thar Narendra Modi’n Hindi-in a nei hmasataka, LK Advani-in a zui a, cabinet minister ha'n an nei zui pei a nih. Congress president Sonia Gandhi le vice-president Rahul Gandhi hai khomin Hindi ṭongin thusam an hril.

Tuta ṭuma Lok Sabha inthlangnaa khan a voikhatna dinga MP-a thlangtling thar mi 300 chuong an um a nih.

Voisun hin 16th Lok Sabha-a Speaker ding thlangna nei ding a ni a, BJP ṭhuoitu hlun Sumitra Mahajan chu party dang dang, eptu pawl hai tiemsa-in, Speaker dingin an dit tlang niin ei thu lakna chun a hril.

Kum 72-a upa Pi Sumitra Mahajan hi Indore biel anthokin ṭum 8 lai Lok Sabha MP dinga thlangtling an taa, House panel a hai Chairperson mawphurna voi iemanizat lo chel ta hlak a nih.


Blog, Updated at: 2:13 AM
© TLÂNGSAM. Powered by Blogger.