Internet hmanga naupang bo zongdan inchuk

Posted by Lalremlien Neitham

Aizawl, June 6, 2014: Zani khan Mizoram State Child Protection Society, Ministry of Women and Child Development le National Informatic Centre (NIC) hai huoihotna hnuoi-ah NIC Training Hall, Aizawla-ah naupang bo zongdan inchuk a ni a, Training hi police hai ta ding bika buotsai niin, police station 34, police outpost 3, traffic, Anti Corruption Bureau (ACB) le CID anthokin mi 48 an ṭhang.

Training-in a tum tak chu naupang bo hai “TrackChild” website hmanga report pek dan ding inzirtirna le mipui, police le ICPS-a sinthawtuha’n an sui theina ding a ni a, children’s home-a um naupang hai chanchin kimchang tak le ṭha taka vong dan inchuk a ni bawk.

Training-ah hin National Informatic Centre, New Delhi-a system analyst Dr. Prem Kumar le scientific officer Chandrakiran Chhoker haiin thil pawimaw hai an inchuktir a nih.

TrackChild hi internet hmanga naupang bo hai report dan le olsam lema sui theina ding website a ni a, Women and Child Development Ministry siem niin, NIC-in an enkol a nih.


Blog, Updated at: 3:15 PM
© TLÂNGSAM. Powered by Blogger.