In kangah Rs. 65 lakh manhu a kangral

Posted by Lalremlien Neitham

CCPur, June 24, 2014 (HT): June 22, 2014 sun dar 11:30 vel khan Bijang field thlang lai meta Hatkholam Haokip w/o (L) Jangngam Haokip chengna in Gibeon Cottage-ah kangmei nasa tak suok a, kangmei ṭhelnaa ṭhang Jangginthang (27) s/o Thongsei of B.Aijalon chu a hliem leiin District Hospital-ah admit a ni a, kangmei suokin thil a kangsiet hi Rs. 65 lakh manhu vel ni dinga hisap a nih.

Kangmei suok hriet a ni charin mipui le Fire Brigade han an ṭhelhrawn a, sienkhawm an ṭhelmit zonaw leiin Army le PHED hai tui supply hmangin darkar 2 sung zet an ṭhel hnungin kangmei suok hi ṭhelmit a nih.

Kangmei suok inṭanna tak hriet chieng ninaw sienkhawm electri a inṭan ni dinga ring a nih. Saikawt A/C MLA Pu T.N. Haokip le Pu Langkhanpau Guite, Chairman, ADCC han zanikhan kangmei suokna hmun hi a hmuna fein an va enfel.


Blog, Updated at: 11:30 PM
© TLÂNGSAM. Powered by Blogger.