Imphal, June 24, 2014: Inzin mi le sumdawngtu tam tak tuong em em, hung tlung ding June 27-a Imphal le Mandalay (Burma) kara vuongna vuong suok dinga ti chu Imphal-a Tulihal airport-ah sin zofel lo a um leiin hi ni hin a vuong suok naw ding thu tour operator KB Enterprises hai chun inhriettirna an siem.
Vuong suok ni hun ding son hlat ani nasan hrilfie-in, tour operator chun, “Ministry of Civil Aviation le Ministry of Home Affairs anthok ‘clearance’ nghak mek a ni a, Airport Authority of India hai khomin Tuilihal airport-a an sinthaw an la zofel naw bok lei a nih,” tiin a hril.
Thuneituhai anthokin phalna hmu ani hunah vuong suok ni ding inhriettirna siem nawk ning a tih, tiin tour operator chun a tarlang bawk.
Home» Airport Authority of India» Airways» Imphal-Mandalay Flight» Ministry of Civil Aviation» Ministry of Home Affairs» Tuilihal Airport» Imphal-Mandalay vuong suok ni ding son hlat