DoNER thuneitu hai inhmupui

Posted by Lalremlien Neitham

New Delhi, June 16, 2014: India khawpui hrang hranga India hmarsak mi haiin harsatna an tuok enthlithlai dinga indin Bezburua Committee chun zani khan India sorkar thar hnuoia Department for North East Region (DoNER) hotulien hai inhmupuiin NE ṭhalai hai sukhrat le an themthiemna sukhmasawnna ding kong dang dang ngaituoin hriltlangna nei a nih.

Hieng thu le inzom peiin thuneituhai chun thlakhat sungin Delhi khawpuia Jawaharlal Nehru University (JNU)-ah NE Hostel bawlna ding lung phumna (foundation stone) nei dingin an rel a, Delhi University hnuoia Hindu College le Dayal Singh College a hai khom NE Hostel bawlna ding lung phumna thla sawtnawte sungin nei dingin an rel bok a nih.

Delhi-a NE inchuklai hai ta dinga hostel bawl pek ding bakah, kar khat sungin admission helpline siem dingin rel ani bawk. NE mi haiin harsatna an tuok hai inhrilhrietna le hma lakdan ding kong-ah thlatin NGO, inchuklai le khawtlang ṭhuoituhai hai leh inṭhungkhawm hlak dinga rel a ni bok a, DoNER hmalakna hnuoia Dwarka hmuna NE Cultural Centre bawl ding a ti sunzom lo chu bawzui nawk dinga ti ani bawk.


Blog, Updated at: 8:19 AM
© TLÂNGSAM. Powered by Blogger.