Delhi-a India hmarsak mi ha’n MP thar hai lawmpui ding

Posted by Lalremlien Neitham

New Delhi, June 10, 2014: Zinga Nilaini June 11 zan dar 7 khin Delhi khawpuia India hmarsak mi hai chun tu kuma Lok Sabha inthlangnaa Northeast (NE) biel-a Member of Parliament (MP)-a thlangtling hai lawmpuina Vishwa Yuva Kendra, Chanakyapuri-ah nei an tih.

Hi lawmpuina huna hin India hmarsak biela MP thar hai bakah Delhi-a mi poimaw tak tak hai khom an ṭhang beisei a nih.

MP tling thar hai lawmpuina hun hi NE Community Delhi hming chawia huoihot a ni a, NE mi Delhi-a cheng rimawi rem thiem le hlasak thiem tam tak khom fiel an ni a; ei Hmar hlasak thiem Roselyn Hmar khomin hla sak a ta, HCFD Choir hai khomin hlapawl rem bok an tih.

Programme nei zo-ah ruoi kiltlang ning a ta; voksa, arsa, iromba le NE hme chi dang dang khom siem ning a tih.


Blog, Updated at: 1:47 AM
© TLÂNGSAM. Powered by Blogger.