Assam forest department-ah mi 25 lak thar

Posted by Lalremlien Neitham

Guwahati, June 23, 2014: Assam sorkar chun zani khan Assistant Conservator of Forest (ACF) le Ranger-a dinga a thlang thar mi 25 hai kuomah an sin zomna lekha a pek tawl a, hienghai lai hin ACF 15 an ni a, Ranger 10 an nih.

ACF le Ranger sin thar hi kum 25 vel zet hnunga lak naw chauh a nih. Assam forest department hotuhai hrildan chun, Assam Public Service Commission (APSC) huoihotna hnuoi-ah Ranger-a ding mi 45 lak belsa nawk ning a ta, sin ruok inhriettirna chu zing-ah annawleh zing nawk tieng chanchinbu a hai hmu thei ning a tih, tiin an hril.

ACF-a thlangtling hai hi State Forest Service Academy, Dehradun-ah an sin an zom phat training pek ning an ta, Ranger hai chu Himachal Pradesh-a Dharamsala bul Sundarnagar-ah training pek ni bok an tih.


Blog, Updated at: 10:50 AM
© TLÂNGSAM. Powered by Blogger.