Patiala Court hma-ah Sharmila inlang ding

Posted by Lalremlien Neitham

Imphal, May 27, 2014: India rama Armed Forces Special Power Act (AFSPA) hlip dinga a norna leia kum 2000 anthoka bungheia la sunzom zing Irom Chanu Sharmila chun Delhi-a Pathiala Court hmaa inlang dingin voisun hin Imphal anthokin vuongna suok a tih.

Sharmila hi doctor pakhat, nurse pahni le police pahniin zui an tih.

Patiala Court hmaa inlang dinga ti ani nasan hi kum 2006 khan Jantar Mantar hmun lai AFSPA hlip dinga bungheia a norna leia a chunga IPC section 309 (mani inthat tum) thubuoi siem le inzoma ko a nih. Zinga May 28 khin Patiala Court-ah ngir a tih.

Manipur sorkar tienga inthoka fena sum indainaw leiin ṭum hni lai ko ni ta sienkhom fe thei loin a um a, tuta ṭum hi a voi thumna a nih. Court hmaa ngir dingin Court-in January 30 le March thla tawp khan alo ko ta bok a nih.


Blog, Updated at: 7:08 PM
© TLÂNGSAM. Powered by Blogger.