Mizoram XI a ding khom player hai thlang fel zo an ta nghe nghe a, a tamlem chu tu kuma Santosh Trophy-a Mizoram hminga inkhel hai kha an nih. Hieng hai baka hin Mizoram Premier League (MPL)-a inkhel ṭha bik deu hai khom thlang an ni a, India aiawa senior level-a inkhel hlak hai khom thlang an ni bawk.
Anni hai baka hin International level-a inkhel phak Mizo football pet thiem – S. Malsawmtluanga, Jeje Lalpekhlua, Lalrindika Ralte le Robert Lalthlamuana hai khom kar nawk a inkhel a hin an ṭhang ve thei ding a nih.
Hoffenheim Club hi Bundesliga-a ranking 9-na ni mek a nih. Bundesliga hi Germany-a chauh nilo khawvela professional football league inlar pawl a nih.
