Mizoram-ah Bru helpawl man

Aizawl, May 09, 2014: Liemtah Pathienni May 4 khan Assam Rifles sipai hai chun Cachar, Assam-ah Bru helpawl thar Bru National Army (BNA) a ṭhang nia an ring mi 4 an man.

Hieng BNA helpawl mi 4 haia inthok hin AK-47 assault rifles 4, double-barrel gun 2, 9mm pistol 1, mobile phone 4 le thil dang dang man sa bawk a nih.

Mizoram police team hai chu Dholai, Cachar-ah hieng BNA helpawl hai hi custody la dingin an fe mek niin ei thu lakna chun a hril.