Medical college 2 hrietpuina suktawp ding thu-ah Assam sorkar dem

Posted by Lalremlien Neitham

Barpeta, May 07, 2014: Medical Council of India (MCI)-in Assam-a medical college pahnih, a hrietpuina suktawp pek a tumna chungthu-ah an lungawinaw ziet inentirna’n Communist Party of India (Marxist) chun protest an neia, Assam sorkar kuomah hi chungchang thu hi an hmatienga sukfel dingin an phut.

MCI chun Jorhat Medical College le Barpeta-a Fakharuddin Ali Ahmed Medical College (FAAMC) hai hi medical college an ni theina dinga ṭul hieng building, laboratory le zun in hai bakah doctor, nurse le paramedic hai an nei hun tawk naw leiin a hrietpuina suktawp dinga a ti a nih.

CPI (IM) chun, MCI hai thilthaw chu thiemnaw inchangtir thei an naw lai zingin, Assam sorkar-in MCI hai ti dana hieng college hai mamaw siem pek loa, a ngaisak nawna thu-ah an dem hle thu an hril a. Hieng medical college hai infrastructure ngirhmun enin, Central le State sorkar anthoka sum suok hai le khom an mil naw thu an hril bawk.

Assam CM kuomah lekha thelutin, an rang thei anga sorkar-in hma a lak naw chun medical student 200 neka tam hai inchukna chu a sukbuoi ding a nih, tiin an hril bawk.


Blog, Updated at: 9:18 PM
© TLÂNGSAM. Powered by Blogger.