Manipur Civil Service (MCS) sin hmu

Derrick Khawbung

CCPur, May 21, 2014: Manipur Public Service Commission (MPSC) 2013 exam-naa hlawtling, tu kum April thlaa result puongnaa tling hai laia hming chuong ve Derrick L. Khawbung s/o (L) Dr. Lalngawrlien (Sielmat, Churachandpur) chu zani khan a sin hmu tak sukchieng alo ni tah.


Ei thu lakna'n a hrildanin, Derrick L. Khawbung hin MPSC hnuoia Manipur Civil Service (MCS) a hmu phak ve niin a hril a, tu kuma Lok Sabha inthlangnaa election code of conduct rules lei khan a sin hmu tak hi chieng rak loin a um a, zani khan hrietchieng thei chauh a nih.

Derrick L. Khawbung chunga Schedule Tribe (ST) candidate hai General puol-ah an tling phak leiin ama hi MCS hung tling phak ve nawk a nih.