Liensangvung Award May 24-ah sem ding

Posted by Lalremlien Neitham

CCPur, May 23, 2014 (HT): Kum tina HSLC exam-a thaw ṭha HSA member hai kuoma pek hlak Liensangvung Award semna chu May 24, 2014, 1:30PM khin Young Learners School, Zenhang Lamka, CCPur hmuna nei ning a tih.

L. Ruoivel Pangamte in key-note address hril a ta, donors le awardees han thuhrilna nei bawk an tih.

Pasal-a hi Award dawngtu ding chu Albert Lalkhuongam s/o Ralkapṭhuom & Ramtharmawi, Muolvaiphei a ni a, Nuhmei-a hi Award dawngtu ding chu Judith Ramtharmwi d/o Lalsiemlien & Remthangpui, Rengkai hai an nih.

Award hai hi Pu Joseph Lalrothang in inhlanna nei a ta, Rev. T. Remthang in ṭawngṭaipekna nei bawk a tih.


Blog, Updated at: 6:35 AM
© TLÂNGSAM. Powered by Blogger.