JNU anthok doctorate degree hmu thar

Posted by Lalremlien Neitham

New Delhi, May 11, 2014: Hmar nunghak, Delhi khawtlang i suong em em Dorothy Lalneizo Darngawn d/o Lalneithang Ruolngul (Headmaster/Principal, Renglai Govt High School, Manipur) chun India rama inchukna hmun ṭha pawl Jawaharlal Nehru University (JNU), Delhi anthok doctorate degree (Ph.D) a hmu niin ei thu lakna chun a hril.

Doctorate degree hi voisun khan JNU-ah inhlan a nih. A thesis ziek chu "Child Health and Child Welfare Programmes: A Study of North Eastern States with Special Reference to Churachandpur District, Manipur" ti a ni a, Dr. Sunita Reddy le Dr. Sanghamitra Acharya hai guide-na hnuoia zo a nih.

Dorothy Lalneizo hi a lekha thiemna el khel-ah nu zaidam, inngaitlawm thei tak, Pathien ram ta dinga inret der loa hun hmang hlak a nih. Delhi Hmar Welfare Association (DHWA)-a khom Nghak Upa le finance tieng mawphurna chel hlak a nih. Chun, HSA JHQ, Delhi a khom kum tamtak ṭhuoitu sin alo chel ta hlak bok a nih.


Blog, Updated at: 4:46 PM
© TLÂNGSAM. Powered by Blogger.