India Prime Minister 15-na ni dingin sesamna nei

Posted by Lalremlien Neitham

New Delhi, May 27, 2014 (HT): Mr Narendra Modi (63) chun zani zantieng 6:11 pm: char khan Rashtrapati Bhavan, New Delhi hmuna Hindi ṭawngin India Prime Minister 15-na ni dingin President Pranab Mukherjee hmaah sesamna a nei.

Narendra Modi in India PM dinga sesamna a nei hunser hi mi 4000 chuongin an uop. Modi sesamna hunser hi political party ṭhuoitu hai bakah rambung dang ṭhuoitu iemanizat in an uop a, chu hai lai chun Pakistan Prime Minister Nawaz Sharif, Afghanistan President Hamid
Karzai le Sri Lanka President Mahinda Rajapaksha, Mauritius Prime Minister Navinchandra Ramgoolam, Nepal Prime Minister Sushil Koirala, Bhutan Prime Minister Tshering Tobgay le Bangladesh parliament Speaker Shirin Sharmin Chaudhury hai an ṭhang.

Congress President Sonia Gandhi le a naupa Congress Vice President Rahul Gandhi, India President hlui A.P.J. Abdul Kalam le Pratibha Patil hai bakah Outgoing Prime Minister Dr Manmohan Singh, political party tum tuma ṭhuoitu hai le state hran hrana Chief Ministers hai khawmin an uop bawk.

Hi sesamna hunser a hmuna uop ve thei lo kum 95-a upa Modi nu Hiraben chun Gandhinagar-ah Television (TV) fethlengin a naupa in India Prime Minister dinga sesamna a nei lai hi a lo en.

Narendra Modi in PM dinga sesamna a nei zo hin mi Cabinet Minister dingin mi 22, Minister of State (Independent Charge) dingin mi 10 le Minister of State dingin mi 12 han han sesamna an nei nghal bawk.


Blog, Updated at: 5:37 PM
© TLÂNGSAM. Powered by Blogger.