Human Trafficking chungchang hriltlang

Posted by Lalremlien Neitham

Aizawl, May 06, 2014: Zani khan Central YMA huoihotna hnuoi-ah CYMA Hall, Aizawl-ah mihring hmanga sumdawngna (human trafficking) chungchang hriltlangna nei a nih. Hi huna hin Mizoram-a tlawmngai pawl hrang hrang, sorkar le kohran le India khawpui hrang hrang anthoka Mizo Welfare Society/Association hai palai hai khom an ṭhang bok a nih.

Hi inhmukhawmna hin CYMA president Lalbiakzuala chun, Mizoram sung-ah ṭhalai hai sinthaw ding a vang leiin State puotieng fak zonga suok a ngai a, amiruokchu hi hin thil dit umnaw tak an ra suok tir niin a hril a, “Sin thaw ding inkawkhmu nazong hi a him naw a, nu-le-pa ha’n an nauhai sin thaw ding an hriet chiengpui hlak dit a um,” tiin a hril.

CYMA president chun, mihring hmanga sumdawngna ṭit umzie inhrilhriet a ngai thu le a thawtu hai hremna kong-ah sorkar tha sukhrat a ngai thu a hril a, “Dan um sa hai ani dan ding taka hmang a ngai a, thuneitu hai le dan tienga mithiemhai khom hremna an pekna konga ṭhang an lak tlang a poimaw a nih,” tiin a hril bawk.

Human trafficking thu hriltlangna a hin mihring hmanga sumdawngna anthokin Mizo ṭhalaihai an him theina ding hai, hlema an umnaw dan ding hai le fekhawm hai anthokin an tonhriet hai hrilna hun nei ani bawk.

An thu hriltlang ṭhenkhat hai chu:

  • State le ram puotienga sin thaw ding nei anga inzorhai hi suichieng hlak nisien, a ṭul chun inzor le inpak mawi hai hi khap nisien.
  • Khuo/veng tinin an khuo/veng mi, State le ram puotienga sinthawtuhai le an sinthawhai hriet chieng thei nisien.
  • State puotienga fak zonga suok hai chu an umna hmuna Mizo Welfare Association-ah inzieklut seng dinga ti ni hlak sien, ti hai hi a nih.


Blog, Updated at: 2:13 PM
© TLÂNGSAM. Powered by Blogger.