HSA Delhi Help Desk

Posted by Lalremlien Neitham

University of Delhi (DU) chun undergraduate course chi hrang hrang inchukna dinga registration chu June 2-16, 2014 sung hin hawng a tih. Hi hun sung hin online annawleh offline a in register thei a nih.

Hi hun sung hin HSA Delhi in Help Desk a hawng ding a nih. DU hi India ram sung chau khawm ni lo, Asia-a khawm university hriet lar le ṭha a nih. DU a kher naw khawm, NCR Delhi sunga university a kai nuom hai ta dingin helpline buotsai a ni a, Delhi sunga inchukna tieng le inzawma thil hre chieng nuom hai chun a hnuoia hming tarlanga um hai hi biek thei zing an nih.

Mercy Lalumpui: 09873968579
Lalhrietsung Sanate: 08447788121

Delhi-a hin northeast mi haiin buoina ei tuok zeu zeu hlaka, hi le inzawm hin student organization hrang hrang ṭhuoituhai inzawmkhawmin harsatna chi hai sukkieng dingin hma lak mek a ni a. Chu leiin mani student organization seng ngaipawimawa ngaiven ding a nih. Inchuklai/sinthaw hung thlangthla thar hai khawm mani hnam/student organization hai seng kuomah an hma tienga in register hlak dinga ngen le inhriettir an nih.

Sd/-

Chingbawi Buhril
Secretary, Public Relation
Hmar Students Association, Joint Headquarters, New Delhi


Blog, Updated at: 1:28 PM
© TLÂNGSAM. Powered by Blogger.