DU Campus-ah NE nunghak soisak

Posted by Lalremlien Neitham

New Delhi, May 26, 2014: Kar hmasak Zirtawpni May 23 khan Delhi University-a inchuk North East nunghak pakhat kum 25 mi chu North Campus sung-ah vai pakhatin soisak a tum leiin police hai chun an man a, jail-a intangtir a nih.

Hi thil hi zing dar 10:30 vel, Delhi University Campus sung English Art Faculty building bul lai vela thiltlung a nih.

Thubuoi thelut dungzuiin, hi vaipa Jagdish hi Campus sung-ah inchuklai anga lutin NE nunghaknu hi a pan a, vaipa hin chibai tumin nunghaknu kut chu cheldetin a pot nok a, soisak zui a tum leiin nunghaknu chun insuolpuiin a khek suok a. Chu phing leh vaipa chun nunghaknu chu nam hlengin tlan hmang a tum a, nunghaknu chun hnotzuiin a zukuo ring-ah a man a nih.

Nunghaknu khek ri hretu DU-a inchuklai le DU sunga venghimtu hai chu hungin hi misuol hi an man a, police ko nghalin, police hai kuoma hi misuolpa hi inhlan sawng a nih. Hi misuolpa hi Indian Penal Code (IPC) section 354 (molestation) le 354A (sexual harassment) hnuoi-ah thubuoi siem pek ani hnungin, judicial custody a hrentang a nih.


Blog, Updated at: 7:19 PM
© TLÂNGSAM. Powered by Blogger.